“الصور هاذي إنت مصورها؟”
سؤال يتردد علي أحياناً من بعض الأقارب و الأصدقاء و الزملاء بالعمل.
من باب الإستهبال أجاوب: ” لا، في شركة تأجر مصورين و إستأجرت منهم مصور و أخذته معاي، قلتله شفت ذاك المنظر، صوره لي “
ردة فعلهم التالية غريبة: “ آآآه أوكي قلت ويييين أما عاد إنت إلي مصور الصور ذي “
في إجابتي الثانية أكون جاد و أقول: ” مصدق إنت؟ طبعاً أنا إلي مصورها ولا كان ما حطيت الصور هذي في موقعي! “
يجاوبوني: ” لاااا من جد، إنت مصورها؟ “
أنا: ” طبعاً ياخي وش فيك، يعني مين مصورها؟ “
يجاوبوني: ” مو تقول لي مستأجر مصور و مدري وشو؟ “
أنا: ” أستهبل عليك، من جدك مصدق؟ ”
يجاوبوني: “ مدري عنك، حسبتك من جد مستأجر واحد! “
المشكلة كلهم يصدقون سالفة إستئجار المصور من أول ما أقولها لهم! يعني يستبعدوا إني مصورها بنفسي و لا يستبعدوا إني مستأجر مصور؟ 
مارس 31, 2008 عند 6:27 ص |
ما أزيد شئ على كلام الأخ محشوم
مارس 29, 2008 عند 2:41 م |
لا هذي طال عمرك تربيتنا يا عم ثامر
ما نصدق احد يسوي شي بنفسه
الإختبارت نغش فيها
مشاريع الجامعه ننسخها من بعض ولا ندور مصري ولا سوداني يسويه لنا بفلوس
وفي الإبتدائي والمتوسط والثانوي لازم مدرس خصوصي
وسع صدرك
وشد حيلك
مارس 29, 2008 عند 10:46 ص |
يزيد:
ههههه، هذولي شغلتهم تحطيم الناس، زين إنك ما عطيتهم وجه
ورد:
الله يخليكي، أحرجتيني بكلامك! شكراً و الله يوفقك
أسيرة خيالي:
لا أعتقد أنها غيرة لأن مالهم بالفن أصلاً، أقدر أقول إنهم يسألون هذا السؤال لأنهم “على نياتهم” من الناحية الفنية و ما تعودوا على إن الواحد عنده موهبة أو إبداع في شي. و مثل ما قلتي، إلي ماله بالفن ما أتكلم معاه كثير بهذا الموضوع. شكراً لك
بدر:
كلامك صحيح، المصورين السعوديين بدأو في الظهور. شكراً لك
أوركيد:
صحيح إنه كلام محبط شوي، لكن أحاول أكون إيجابي و آخذها على إنها مدحة أحياناً. أنا تحت أمركم، في درس معين؟ شكراً لك
أم جويرية:
صحيح، محبطة أحياناً لكن مثل ما قلت لـ أوركيد، الواحد يحاول ياخذها بإيجابية. شكراً لك
مارس 29, 2008 عند 6:40 ص |
الأمر مضحك إن كان موقف أو موقفين . . لكن إن كان هذا على الدوام فالأمر يدعو للغضب حقا
و أطمئنك أنه ليس المصورين فقط من يتعرضون لتلك التعليقات من الأهل
كل من كانت له موهبة .. ليست عند غيره أو معدل نموها أسرع من الغير .. ستجد الآخرين يعاملونه بمثل تلك الطريقة .. (( شيء يجيب إحباط )) !! ..
مارس 28, 2008 عند 3:38 م |
السلام عليكم
هذا والله النظره القاصرة لانفسهم وقدراتها ومواهبها اللي ربي اعطاهم اياها
لابد ان يقللون وينقصون ويعورون قلوب البشر حتى يحبطونه
في النهاية أقولك ربي يوفقك واجعل مثل هذه الكلمات والنقاشات دافع أكبر لك
وننتظر المزيد منك ——– > الدرووووووووووووووووووس
دمت ،
مارس 28, 2008 عند 2:59 م |
نظرة المجتمع للمصور السعودي بأنه ذو خبرة قليلة, ولا يمكن تطلع منه هالإبداعات ….
أتوقع كلها كم سنة وتنسى الكلام هذا …
إلا بسألك :
بكم استاجرت الرجال من الشركة ؟!
مارس 28, 2008 عند 11:27 ص |
لا تهتم يا أخي ثامر مثل هؤلاء الناس
يعني بس الأجانب هم اللي بيطلعوا أشياء جميلة او هم أصحاب الذوق الرفيع والاحساس المرهف , فلما يجي شخص منا وفينا يقولوا لا مستحيل يطلع منه كذا اكيد اخذها من مكان او اشتراها
اعتقد والله أعلم بانهم يشعرون بالغيرة
ترى اللي ما يحس بالجمال مستحيل يعرف طعم الشعور به
والمفروض ان يستفيدوا ويتعلموا من صداقتهم او قربهم لك
الشخص اللي مايقدر مجهودك وممكن ينسبه لغيرك
أنصحك بان لا تخاطبه الا في نطاق اهتماماته
وان تتجنب مناقشتهم في صورك الرائعة
أسأل الله أن يحفظك من شر أعينهم .
مارس 28, 2008 عند 1:26 ص |
هههههههههههههههههه اقول شي بس ماتعصب
معهم حق..<<كف
شوف والله مو انتقاص لك لا والله بس بجد صور مو طبيعية احترافية مانشوفهن الا بمجلات اجنبيه
وجنبها صورة شايب شوشته طايرة يعني راح عمره عشان يطلع صور كويسه
اما انت حسك الفني ولقطاتك <<<لاتعليق
ماشاء الله تبارك الله…
مارس 27, 2008 عند 8:52 م |
هههههههههههههههههههههههه
تصير كثير !!
ذكرتني بواحد جاني في معرضي الشخصي اللي صار في كليه اليمامه ، وقاعد يسولف هو وخويه ويقول ، “اكيد ساحبها من النت وطابعها وحاطها وناسبها لنفسه” !
طبعاً ما كان لي خلق اني اقعد اشرح لهم وش سالفه الصور واني انا اللي صورتها !
وسع صدرك بس ثامر